Las Edicions Talvera sus Lektu

Siam a arribar sus la platafòrma Lektu, ont los libres de las Edicions Talvera van èsser botats a posita progressivament. 

La segonda edicion de Las comunas d'Occitània li es ja disponible per un descargament a res-non-còst. Clicatz aicí per lai anar.

 La pagina de las Edicions Talvera es aicí.

Reedicion deu diccionari de Madoz

Las Edicions Talvera vos propausam ua reedicion deu diccionari de Pascual Madoz titolat en espanhòu Diccionario geográfico-estadístico-histórico de España y sus posesiones de Ultramar. Publicat en 16 tòmes enter 1846 e 1850, es ua referéncia sus l'estat de l'empèri espanhòu en aqueth periòde de l'istòria après l'uniformizacion administrativa de 1833-1834. Madoz estot governador militar de Vielha en 1835 e podot visitar bèra part de la Vath d'Aran. Lo diccionari cobreish totas las localitats de l'estat espanhòu, e doncas las aranesas e tanben las de la Gasconha d'Hegoalde (la part deu Bascoat deu Sud qui èra deu ducat de Gasconha) e deus País Catalans. 

Aquera reedicion parteish de la numerizacion de la blibliotèca virtuau de Castilha e Leon, damb correccions necessàrias (paginas mau plaçadas...) Los tòmes originaus son copats en dus, o medish en tres preu tòme 10 qui hasèva mei de 1000 paginas.

Los volums deu diccionari de Pascual Madoz son pareguts dens la colleccion Esbrigalhs. Coma totas las publicacions de las Edicions Talvera, son disponibles a res-non-còst. Lista deus volums:

 

Volum 1 (A-Albondon) Tòme I. Part primièra de l'original (ISBN 979-10-90696-38-9)

Volum 2 (Albolafia-Alicante) Tòme I. Part segonda de l'original (ISBN 979-10-90696-39-6)

Volum 3 (Alicanti Mayor-Andurique) Tòme II. Part primièra de l'original (ISBN 979-10-90696-40-2)

Volum 4 (Aneal-Arzuela) Tòme II. Part segonda de l'original (ISBN 979-10-90696-41-9)

Volum 5 (Arra (San Mauro de)-Balbañul) Tòme III. Part primièra de l'original (ISBN 979-10-90696-42-6)

Volum 6 (Balbardayo-Barcelona) Tòme III. Part segonda de l'original (ISBN 979-10-90696-43-3)

Volum 7 (Barcella (La)-Blas Monjo) Tòme IV. Part primièra de l'original (ISBN 979-10-90696-44-0)

Volum 8 (Blasconuño-Buzoca) Tòme IV. Part segonda de l'original (ISBN 979-10-90696-45-7)

Volum 9 (Caabeiro-Campara) Tòme V. Part primièra de l'original (ISBN 979-10-90696-46-4)

Volum 10 (Camparado-Carrusco) Tòme V. Part segonda de l'original (ISBN 979-10-90696-47-1)

Volum 11 (Ca Sebastià-Cerbo (Sant Eulalia de)) Tòme VI. Part primièra de l'original (ISBN 979-10-90696-48-8)

Volum 12 (Cerbo (Santa María de)-Cordoba (reino de)) Tòme VI. Part segonda de l'original (ISBN 979-10-90696-49-5)

Volum 13 (Cordobelas-Cheis) Tòme VII. Part primièra de l'original (ISBN 979-10-90696-50-1)

Volum 14 (Chela-Ezterripa) Tòme VII. Part segonda de l'original (ISBN 979-10-90696-51-8)

Volum 15 (Faba-Gargantada) Tòme VIII. Part primièra de l'original (ISBN 979-10-90696-52-5)

Volum 16 (Gargantans-Guadalajara) Tòme VIII. Part segonda de l'original (ISBN 979-10-90696-53-2)

Volum 17 (Guadalaviar, Blanco o Turia-Huesca) Tòme IX. Part primièra de l'original (ISBN 979-10-90696-54-9)

Volum 18 (Huescar-Juzvado) Tòme IX. Part segonda de l'original (ISBN 979-10-90696-55-6)

Volum 19 (La Alcoba-Lora del Río (localidad)) Tòme X. Part primièra de l'original (ISBN 979-10-90696-56-3)

Volum 20 (Lora del Río (partido)-Madrid (palacio de dª M C de Borbón)) Tòme X. Part segonda de l'original (ISBN 979-10-90696-57-0)

Volum 21 (Madrid (palacio del duque de Liria)-Madrid) Tòme X. Part tresena de l'original (ISBN 979-10-90696-58-7)

Volum 22 (Madrid de Caderechas-Mesones (Aragón)) Tòme XI. Part primièra de l'original (ISBN 979-10-90696-59-4)

Volum 23 (Mesones (Castilla)-Muztillano) Tòme XI. Part segonda de l'original (ISBN 979-10-90696-60-0)

Volum 24 (Nabaja-Outes (lugar)) Tòme XII. Part primièra de l'original (ISBN 979-10-90696-61-7)

Volum 25 (Outes (municipio)-Pezuela de las Torres) Tòme XII. Part segonda de l'original (ISBN 979-10-90696-62-4)

Volum 26 (Phornacis-Ransares (Virgen de)) Tòme XIII. Part primièra de l'original (ISBN 979-10-90696-63-1)

Volum 27 (Rianzuela-Sazuns) Tòme XIII. Part segonda de l'original (ISBN 979-10-90696-64-8)

Volum 28 (Scalæ Anibalis-Sierra Elvira) Tòme XIV. Part primièra de l'original (ISBN 979-10-90696-65-5)

Volum 29 (Sierra Le Hez-Toledo) Tòme XIV. Part segonda de l'original (ISBN 979-10-90696-66-2)

Volum 30 (Toledo (Huesca)-Valindo) Tòme XV. Part primièra de l'original (ISBN 979-10-90696-67-9)

Volum 31 (Valiña-Vettonia) Tòme XV. Part segonda de l'original (ISBN 979-10-90696-68-6)

Volum 32 (Via-Viso del Illescas) Tòme XVI. Part primièra de l'original (ISBN 979-10-90696-69-3)

Volum 33 (Viso del Alcor-Zuzones) Tòme XVI. Part segonda de l'original (ISBN 979-10-90696-70-9)

Las comunas d'Occitània, segonda edicion (2022)

Occitània, qu'es aquò? Quatre ans après, una reedicion es necessària. De fusions de comunas, i n'agèt. Mas tanben la presa de consciéncia per l'autor d'una "Occitània larga" qu'anèsse mai luènh qu'un limit linguistic a un moment donat.

"Es clar que la delimitacion linguistica d’Occitània fa problèma: los estudis que permetèron de la bastir son pas totes de la meteissa qualitat, nimai dins la meteissa temporalitat. Es malaisit de saupre las recuoladas (nimai las avançadas) de la lenga dins l’istòria. Un agach sus las frontièras de las entitats istoricas que compausan Occitània permet de propausar l’inclusion d’autres territòris. Las edicions venentas d’aquel libre espandiràn mai al nòrd aquela largor: Peitau, Anjau, Berric, Barbonés..."

Lo libre de Joan Francés BLANC. Las comunas d'Occitània (2a edicion), es paregut dins la colleccion Esbrigalhs. Coma totas las publicacions de las Edicions Talvera, es disponible a res-non-còst.

Tornarem

Las annadas passadas foguèron pro activas dins d'autres domenis. Ongan nos tornam al trabalh editorial. Prevesèm al mens una sortida per trimèstre:

• una mesa a jorn de l'Enciclopèdia de las bandièras
• un libre dins la colleccion Mistralenc
• un libre dins la nòva colleccion Istòrias occitanas
• un libre dins una autra colleccion

Tenètz-vos al fial!

Las comunas d'Occitània

Occitània, qu'es aquò? Quantes còps avèm aguda aquela question. E tanben: Vèni de Pampaligosta o de Pampaligòssa. Es en Occitània ? Avèm agut d'istòrias d'Occitània (amb de qualitats e de mancas) mas pas gessa geografia. Sus la wikipèdia en francés, s'es quitament escafat l'article jos l'aflat dels gardians de la puretat geografica de l'Exagonia: « es pas un país, a pas de geografia. »

Èra temps doncas d'i poder respondre en marcant la frontièra, e per çò faire en davalant al nivèl comunal. Aquel libre es doncas la primièra version d'un trabalh que conten los noms oficials d'aquelas comunas amb lor còdi estatistic.

Lo libre de Joan Francés BLANC. Las comunas d'Occitània, es paregut dins la colleccion Esbrigalhs. Coma totas las publicacions de las Edicions Talvera, es disponible a res-non-còst.

Ocitani Ocitania, 1549

Paolo Coimi, mai conegut jol nom de Paulo Emili, es un istorian padan de la renaissença umanista. Son istòria de França pareis en latin, puèi en traduccion italiana, alemanda e francesa al sègle XVI. Las traduccions caupon, a çò que sabèm al jorn de uèi, las primièras atestacions estampadas dels mots occitans (lo pòble) e Occitània (la tèrra) dins aquelas tres lengas "vulgaras".

La reproduccion de la traduccion italiana ven de l'Internet archive. Es precedida per una reproduccion de la notícia sus Paulo Emili pareguda en 1818 dins lo libre de Luigi Federici, Elogi istorici de piu illustri ecclesiastici Veronesi e tanben per lo tèxte complet d'aquelas atestacions.
 

“Percio che eſſendo per la morte di Eudone, uenuto quel Ducato in potere del Re di Frãcia, Hunnuldo, e Vaifaro figliuoli di Eudone cominciarono primieramẽte nella prounicia di Narbona à ſollecitare que’ popoli de Viſigotti ch’erano gia ſtati prima chiamati Gotticani, & hora Ocitani ſi chiamano, e piu uolte erano ſtati da Franceſi uniti, ma non anchor domi.”

(f°39, p. 134)

“Egli tutto pien d’ira Carlo attaccò il fuoco, e ſpianò Narbona, Agate, Nemauſo, e Bitterra nobile Colonià de’ Settumani, onde pare, che aueſſe tutta quella contrada il nome, che alhora ſi chiamaua Settimania & hora (come s’è gia detto) in uece di Gotticana, è chiamata Ocitania.”

(f°42, p. 142)

“Gli Ocitani mosſi de la auttorità del Conte di Armignacca, ſenza aspettare di eſſere dal Delfino pregati, disfecero in ſeruigio del Re, tutto l’oro, e gli altri ornamenti de loro donne, e ritor” (f°277, p. 607)

“Gli Ocitani hauendo in Conte di Flußate per gouernatore, ſi trouauano molto di queſto moderatisſimo lieti.” e, mai bas:

“Poſto poi da parte queſto ſdegno de le arme, diede anco ad intendere à gli Ocitani che togließero uolentieri per gouernatore questo zio del Re, e gli deßero obendientia, percho lo ſi hauerebbono fatto beniuolo, e manſueto piu toſto co’l compiacergli, & à fatti d’arme ordinarii uincere” e, finalament:

“Dicono, che queſto Duca fuſſe grande amatore de uirtu, e fautore de gli ingegni, e che ſcancellaſſe, ò copriſſe con le ſue gran corteſie la taccia di auaro, che li ſi daua, e di eſſere inſatiabile ne l’hauere, e che perche no fuſſe, come indegno, e diſutile, mostro à deto, li fuſſe dato il gouerno degli Ocitani, e di quella parte de la Aquitania, che obediua à Francesi:”

(f°292, p. 637)

Lo libre de Paolo COIMI. Historia delle cose di Francia raccolte fedelmente da Paolo Emilio, da Verona, e recata hora a punto dalla latina in questa nostra lingua volgare, es paregut dins la colleccion Primadiers, dedicada als tèxtes ancians sus occitan e Occitània. Coma totas las publicacions de las Edicions Talvera, es disponible a res-non-còst.

La colleccion Mistralenc a desenant un numèro ISSN

Avèm recebut de la Bibliotèca Nacionala de França, que baileja l'atribucion dels numèros de  
periodics ISSN (segond na nòrma ISO 3297) lo numèro atribuït a nòstra colleccion Mistralenc:
ISSN  2493-1926. 

Las edicions per venir auràn doncas aqueste còde, qu'es ja vesedor sus la pagina vèb de la colleccion.

Un tresen volum es en preparacion (un estudi literari sus Nerta ja publicat en 1922, en alemand, per un universitari ucraïnés.